Oxu24.com  Daily Mail-ə istinadən bildirir ki, Almaniya milli futbol komandası evdə 2024-cü il Avropa çempionatı zamanı komandanın qaldığı məşq bazasında ağcaqanadla qarşılaşıb.

Oyunçular Bavariyanın Herzogenaurach şəhəri yaxınlığındakı meşəlik ərazidə yerləşən bazada yerləşiblər.

Futbolçular daim açıq havada həşəratların hücumuna məruz qaldıqları üçün vaxtlarının çoxunu qapalı yerlərdə keçirməyə məcbur olurlar.

Eyni zamanda, ağcaqanadlarla mübarizə üçün bütün mümkün vasitələrdən istifadə olunur: oyunçular spreylərdən istifadə edir, bazanın pəncərələrində ağcaqanad torları quraşdırılır.

Almaniya yeddi xal, iki qələbə (Şotlandiya və Macarıstan üzərində) və bir heç-heçə (İsveçrə ilə) ilə A qrupunda birinci olub. İsveçrə yığması ikinci yeri tutub (5 xal). Macarıstan 3 xalla üçüncü yerdədir. Şotlandlar bir xalla Avrodan kənarlaşdırılıblar. Macarıstanın turnirdəki taleyi digər qruplardakı nəticələrdən asılı olacaq.

Almaniya futbolçularının turnirin 1/8 final mərhələsindəki rəqibi daha sonra müəyyənləşəcək.

Nigar