Avropa Dəyərləri və Şəffaflıq üzrə Avropa komissarı Vera Jourova bildirib ki, AK istifadəçilərin sayı ilə bağlı qeyri-dəqiq məlumatlar təqdim etdiyinə dair şübhələrdən sonra Telegram messencerinə qarşı araşdırma başlatmağa hazırlaşır.

Oxu24.com xəbər verir ki, bu barədə “Süddeutsche Zeitung” məlumat yayıb.

“Mən Telegram-a etibar etmirəm. Onların cəmi 42 milyon istifadəçisi olduğuna inana bilmirəm. Biz komissiyada əminik ki, xidmətin çoxdan 45 milyondan çox istifadəçisi var. Avropa Komissiyası indi araşdırmaya başlayıb-başlamamağımızı yoxlayır”, – Jurova bildirib.

İyunun 2-də Avropa Komissiyasının rəhbərinin müavini Vera Jourova Bloomberg-ə müsahibəsində bildirib ki, AK messencerin iş prinsipini öyrənmək üçün Avropa İttifaqına (Aİ) üzv olan ölkələrdən Telegram istifadəçilərinin sayını yoxlayacaq. Onun sözlərinə görə, Telegram-ın rəsmi məlumatlarına görə, onun Avropa İttifaqından 42 milyon qeydiyyatdan keçmiş istifadəçisi var.

Onun sözlərinə görə, əgər istifadəçilərin faktiki sayı göstəriləndən çox olarsa, o zaman Avropa Komissiyası “Telegramı dərindən öyrənməli” olacaq. Jourova xatırladıb ki, rəqəmsal xidmətlər haqqında qanuna əsasən, platformalar dezinformasiyanın yayılması, narkotik vasitələrin qanunsuz dövriyyəsi və qaçaqmalçılığı ilə mübarizə aparmaq öhdəliyini öz üzərinə götürür.

Nigar