İsrail və ABŞ yəhudi dövlətinə Amerika silahlarının tədarükü ilə bağlı ciddi problemləri hələ də həll edə bilməyib.

Oxu24.com xəbər verir  ki, bunu İsrailin baş naziri Benyamin Netanyahu Punchbowl News-a müsahibəsində deyib.

“Prezident Bayden buraya gəldi, iki daşıyıcı qrup göndərdi, müharibə başlayandan bizə qiymətli yardım, sursat və silahlar verdi. Mən bunu qiymətləndirirəm. Və mən minnətdaram. Bir neçə ay əvvəl biz ciddi problemlərimiz olduğunu anlamağa başladıq”, - Netanyahu bildirib.

Onun sözlərinə görə, tərəflər Amerika silahlarının İsrailə tədarükünü azaltmağa başladıqdan sonra yaranan fikir ayrılıqlarını həll edə bilməyiblər. “Biz tədarükdəki bu azalmanı yumşaltmağa çalışırıq. Biz isə bunu həll edə bilmədik”, - deyə baş nazir vurğulayıb.

Onun sözlərinə görə, İsraillə ABŞ arasında əməkdaşlığın davam etdirilməsi və silah tədarükü yəhudi dövləti üçün həlledici əhəmiyyət kəsb edir.

Bundan əvvəl Netanyahu yəhudi dövlətinin ABŞ-dan lazımi hərbi yardım almağa davam etməsi şərti ilə şəxsi hücumlara dözməyə hazır olduğunu bildirmişdi.

İyunun 19-da Netanyahunun Amerika silahlarının tədarükündə gecikmələrdən şikayətlənən videomüraciətdən sonra Ağ Evin ABŞ və İsrail arasında yüksək səviyyəli görüşü ləğv etdiyi məlum olub.

Nigar