ABŞ korporasiyası Ukraynada sursat istehsal edəcək.

Modern.az xəbər verir ki, Amerikanın "Northrop Grumman" hərbi-sənaye korporasiyası Ukraynada orta çaplı döyüş sursatlarının istehsalına başladığını elan edib.

Söhbət 155 mm kalibrli tank və artilleriya sursatlarından, eləcə də digər mərmilərdən gedir. "Northrop Grumman" ildə 30 milyard avrodan çox gəlir əldə etməklə dünyanın üçüncü ən böyük müdafiə şirkətidir.

Daha əvvəl açıqlanmışdı ki, Dövlət Departamentinin yeni proqramı Ukraynanın müdafiə sənayesinə 2 milyard dollar investisiya nəzərdə tutur.