Aİ-nin sanksiyalar üzrə xüsusi nümayəndəsi David O'Sullivan bildirib ki, Aİ Rusiya Federasiyasının Qazaxıstanın köməyi ilə sanksiyaya məruz qalan malları ala biləcəyindən narahatdır.

Bu barədə TASS məlumat yayıb.

Onun sözlərinə görə, Brüssel Astananın bəzi malları əhəmiyyətli həcmdə idxal etdiyini müşahidə edib. Avropa rəsmiləri məhsulların Rusiyaya yönləndirilə biləcəyindən narahatdırlar.

O qeyd edib ki, Aİ Qazaxıstanın anti-Rusiya sanksiyalarına qoşulmamaq qərarına hörmətlə yanaşır, lakin respublikanı məhdudiyyətlərdən yayınaraq öz ölkəsinin ərazisinin ticarət üçün istifadəsinə imkan verməməyə çağırır.

Xüsusi nümayəndə bunun baş verməyəcəyinə və hərbi məhsulların Rusiya Federasiyasına təkrar ixrac olunmayacağına dair təminatlara görə Astanaya minnətdarlığını bildirib.

Bundan əvvəl Rusiya Federasiyası baş nazirinin müavini Aleksandr Novak bildirmişdi ki, Qərbin sanksiyaları Rusiya iqtisadiyyatını təcrid edə bilməz.

Novakın sözlərinə görə, iqtisadiyyatı təcrid etmək mümkün olmayan yerlərdə birtərəfli anti-Rusiya məhdudiyyətləri tətbiq edilib. Ona görə də Rusiya dost dövlətlərlə əməkdaşlıq edir və bundan əlavə, bir çox başqa ölkələrlə qarşılıqlı əlaqə qurmağa qadirdir.

Nigar