Rusiya prezidentinin köməkçisi Yuri Uşakov bildirib ki, İsveçrədə keçirilən Ukrayna sammiti sülh yolu ilə nizamlanma istiqamətində irəliləyişə heç bir ciddi töhfə verməyib.

Oxu24.com xəbər verir  ki, bu  barədə RİA Novosti  məlumat yayıb.

“Qeyd etmək lazımdır ki, hətta “qərblilər” arasında daha aydın etiraf var ki, Rusiyanın iştirakı olmadan Ukrayna problemini həll etmək mümkün deyil”, - Uşakov əlavə edib.

Bundan əvvəl prezidentin mətbuat katibi Dmitri Peskov qeyd edib ki, ümumilikdə İsveçrədəki görüşün effektivliyi sıfıra bərabərdir.

Kreml nümayəndəsi qeyd edib ki, konstruktiv qarşılıqlı fəaliyyətə açıq olanlar üçün Ukraynada münaqişənin nizamlanmasına dair dinc təkliflər gündəmdə qalır və Putin dialoqa açıq qalmaqda davam edir.

İsveçrənin Bürgenstok kurortunda Ukraynanın təşəbbüsü ilə “sülh formulunu” müzakirə etmək üçün iki günlük sammit keçirilib.

Konfransa 91 nümayəndə heyəti gəldi, lakin heç də hamısı yekun sənədi imzalamağa razı olmadı - onu 80 ölkə və dörd beynəlxalq təşkilat dəstəkləyib.

Daha əvvəl politoloq Ermənistanın Ukrayna ilə bağlı sammitdən sonra kommünike imzalamaqdan imtina etməsini izah edib.

Nigar