Putin danışıqlardan danışmır, Ukraynanın kapitulyasiyasından danışır.

Oxu24.com xəbər verir  ki,bunu Qlobal Sülh Sammitinin birinci plenar sessiyası zamanı ABŞ-ın vitse-prezidenti Kamala Harris deyib.

“Rusiyanın işğalı təkcə Ukraynaya qarşı işğal deyil. Bu təkcə ərzaq təhlükəsizliyinə hücum deyil. Bu həm də BMT Nizamnaməsində təsbit olunmuş beynəlxalq qayda və prinsiplərə hücumdur.

Rusiya BMT Təhlükəsizlik Şurasının daimi üzvüdür və 2,5 il ərzində nizamnamənin əsaslarını pozub. Əgər təcavüzkar qonşuya hücum edibsə və bununla barışsanız, bu, digər təcavüzkarların [hücumları] təkrarlamasına imkan verəcək”.

Onun sözlərinə görə, ölkələr öz ittifaqlarını seçmək hüququna malikdir və “ölkələrin suverenliyinə və sərhədlərin toxunulmazlığına hörmətlə yanaşmaq lazımdır”.

“Mən əmin etmək istəyirəm ki, biz Rusiya təcavüzünə qarşı mübarizədə Ukraynanı dəstəkləməyə davam edəcəyik. Bu səhər Zelenski ilə danışanda dedim ki, həm Co Bayden, həm də mən dəfələrlə vurğulamışıq ki, biz demokratik dəyərləri müdafiə etməyə, müttəfiqləri və tərəfdaşları dəstəkləməyə davam edəcəyik. Birləşmiş Ştatlar Ukraynanı mərhəmətlə deyil, bizim prinsiplərimizə uyğun olduğu üçün dəstəkləyir”, - Harris yekunlaşdırıb.

Miri