Argentina hökuməti Ukraynaya gəmi əleyhinə raketlər daşıya bilən beş Super Etendard daşıyıcısı əsaslı hücum təyyarəsi verməyi planlaşdırır. Müvafiq transfer planı Argentinanın müdafiə naziri Luis Petri və xarici işlər naziri Diana Mondino tərəfindən hazırlanıb. Bundan əlavə, Super Etendard hücum təyyarəsinin transferini Argentina prezidenti Xavyer Miley dəstəkləyib.

Oxu24.com xəbər verir ki, bu barədə “Infobae” məlumat yayıb.

Argentina bu təyyarələri 2017-ci ildə Fransadan alıb və Böyük Britaniyanın Argentinaya müəyyən hərbi ehtiyat hissələrinin satışına embarqo qoyması səbəbindən onları istismara verə bilməyib.

Argentina təyyarələri Ukraynaya təhvil verərsə, Britaniya və Fransa onları lazım olan hər şeylə təchiz etməyə hazırdır. Bundan əlavə, Fransa təyyarənin istifadə etdiyi Exocet gəmi əleyhinə raketlərini də ötürə bilər.

Ukraynaya bu dəstək addımı Rusiyanın Ukraynadakı təcavüzünə qarşı mübarizəyə qoşulmaq istəyən Argentinanın hazırkı hökuməti tərəfindən müsbət qarşılanıb.

Nigar