Rusiya prezidenti Vladimir Putin Müdafiə Nazirliyinin rəhbəri Andrey Belousovu Rusiya Təhlükəsizlik Şurasının daimi üzvləri sırasına daxil edib.

Oxu24.com Putin bununla bağlı sərəncam imzalayıb.

Sözügedən sərəncamda deyilir:

“Rusiya Federasiyası Təhlükəsizlik Şurasının tərkibinə Rusiya Federasiyasının müdafiə naziri A. R. Belousov bu şuranın daimi üzvü kimi daxil edilsin”.

Həmin sərəncamla Təhlükəsizlik Şurasının daha iki daimi üzvünün mövqelərinə aydınlıq gətirilib. Əvvəllər Təhlükəsizlik Şurasının katibi postunu tutan Nikolay Patruşev Rusiya prezidentinin köməkçisi, keçmiş müdafiə naziri Sergey Şoyqu isə Rusiya Təhlükəsizlik Şurasının katibi olub.

Hazırda Təhlükəsizlik Şurasının daimi üzvləri bunlardır: Təhlükəsizlik Şurası sədrinin müavini Dmitri Medvedev, FTX-nin direktoru Aleksandr Bortnikov, Dövlət Dumasının sədri Vyaçeslav Volodin, Rusiya Federasiyası Prezidenti Administrasiyasının rəhbəri Anton Vayno. Ekoloji fəaliyyət, ekologiya və nəqliyyat üzrə Sergey İvanov, Baş nazir Mixail Mişustin, Daxili İşlər Nazirliyinin rəhbəri Vladimir Kolokoltsev, Xarici İşlər Naziri Sergey Lavrov, Federasiya Şurasının sədri Valentina Matvienko, Xarici Kəşfiyyat Xidmətinin direktoru Sergey Narışkin.

Yeganə

Mənbə: TASS.ru