Polşanın cənub-şərqindəki Sventokşisk hərbi bazasındakı “Mesko” silah zavodunda güclü partlayış baş verib.

OXU24.COM  xəbər verir ki, bu barədə müəssisənin direktoru Eljbeta Srenyavska bildirib.

“Bir neçə il əvvəl istismara verilən raket yanacağı mərkəzində partlayış baş verib”, - deyən direktor hadisə nəticəsində ölənlərin ola biləcəyini söyləyib. Hazırda ərazidə yanğınsöndürmə briqadası və sanitar aviasiya helikopteri fəaliyyət göstərir.

Yerli polis idarəsindəki komissar köməkçisi Yaroslav Gvozdz partlayış nəticəsində müəssisənin 59 yaşlı əməkdaşının öldüyünü açıqlayıb.

Qeyd edək ki, son üç ildə müəssisədə daha iki partlayış baş verib. Hər iki halda komissiya təxribat amilini istisna edib.