İsveçrədə Ukrayna üzrə sülh konfransının keçirilməsində məqsəd daha çox ölkəni Kiyevin tərəfinə çəkməkdir. Bunu Almaniya kansleri Olaf Şolz deyib.

Oxu24.com xəbər verir  ki, onun çıxışı Tagesschau telekanalı tərəfindən yayımlanıb.

“Bunu hamı başa düşməlidir, sammitdə sülh danışıqları olmayacaq.Ukrayna üzrə planlaşdırılan sülh konfransının məqsədi mümkün qədər çox ölkəni Kiyevin tərəfinə çəkməkdir”, - kansler bildirib.

O vurğulayıb ki, İsveçrədəki konfrans sülh danışıqlarının başlanğıcı olmaq niyyətində deyil.

Mayın 2-də İsveçrə dövlət və hökumət başçıları səviyyəsində 160-dan çox nümayəndə heyətini iyunun 15-dən 16-dək Bürgenstokda Ukrayna üzrə birinci sülh konfransında iştirak etməyə dəvət edib.

Daha əvvəl İsveçrə mediası Ukrayna ilə bağlı sülh konfransını “ilin saxtakarlığı” adlandırmışdı. Nəşrlər gələcək danışıqları “bahalı PR şou” və “ikiüzlülük” adlandırırlar.

Nigar