Yəmənin Ənsar Allah qiyamçı hərəkatından olan husilər İraqdan olan müttəfiqləri ilə birlikdə Hayfa limanında İsrail gəmilərinə qarşı əməliyyat keçirib.

Oxu24.com xəbər verir ki, bu barədə “Almasirah” telekanalı məlumat yayıb.

Telekanalın bəyanatına görə, Yəmən silahlı qüvvələri İraq İslami Müqavimət Hərəkatı ilə birgə ilk iki hərbi əməliyyatı həyata keçirərək, Hayfa limanında hərbi texnika ilə iki gəmiyə hücum edib.

Qadağadan yayınaraq Fələstinin Hayfa limanına daxil olan gəminin də hücuma məruz qaldığı qeyd edilir. Husilər hücumun İsrail ordusunun Rəfah bölgəsindəki əməliyyatlarına cavab olduğunu açıqlayıb.

Bundan əvvəl Husi sözçüsü Yəhya Saria Yəməndəki Ənsar Allah üsyançı hərəkatından olan husilərin İsrailin cənubundakı Eylat şəhərində hərbi hədəfə ballistik raket atdığını bildirib.

O, Fələstin ballistik raketinin ilk dəfə Husilər tərəfindən istifadə edildiyini açıqlayıb. Onun xüsusiyyətləri hələ də məlum deyil. İranın dəstəklədiyi qrupun sözçüsü raketin hədəfinə çatdığını bildirib.

Miri