Pentaqonun keçmiş müşaviri Duqlas Makqreqor "X" sosial şəbəkəsində maraqlı paylaşım edib.

Oxu24.com-un məlumatına görə, Makqreqor paylaşımında bildirib ki, Rusiya prezidenti Vladimir Putin Amerika lideri Co Baydendən Ukrayna Silahlı Qüvvələrini silahla təchiz etməyi dayandırmağı tələb edib.

“Putin birbaşa Baydenə deyir ki, Ukraynaya silah verməyi dayandırsın. Bunun sonu yaxşı olmayacaq”, - deyə ekspert fikirlərini bölüşüb.

Qeyd edək ki, bundan əvvəl Rusiya prezidenti Vladimir Putin Sankt-Peterburqda jurnalistlərlə görüşündə bildirmişdi ki, Moskva Ukraynaya uzaqmənzilli silahların verilməsinə asimmetrik cavab verə bilər. Dövlət başçısı xəbərdarlıq edib ki, Rusiya tərəfi keçmiş sovet respublikasına raket ötürən ölkələrin həssas hədəflərinə hücum edə biləcəkləri regionlara öz silahlarını çatdırmaq imkanını nəzərdən keçirəcək.

Mənbə: Mk.ru

Yeganə