![](https://oxu24.com/uploads/posts/2018-04/medium/1524763883_sican.jpg)
Oxu24.com deyerler.org-a istinadən bildirir ki, Nature Biotechnology jurnalında nəşr olunan bir araşdırmaya görə alimlər, insan beyni orqanoidini siçan kəlləsinə yerləşdirməyi bacardılar. Bu iş üçün əvvəlcə insan beyin hüceyrələri, orqanoid (orqana bənzəyən, çoxlu hüceyrə növlərini ehtiva edən quruluş) deyilən quruluşu meydana gətirmək üçün laboratoriyada yetişdirildi. İmplant əməliyyatından sonra mərcimək böyüklüyündə insan beyni, siçanda qan bəsləmə vəzifəsini icra etdi. Hətta iki toxuma növü ilə rabitə belə qura bildi.
İmplant yeridiləndən sonra siçanları müşahidə edən araşdırmacılar, standart olanlarla müqayisə etdikdə siçanların davranışı və ya zəkasında fərqliliklər olmadığını ifadə edir.
Bu işin təməl məqsədi, gələcəkdə bir gün beyinin bərpasını mümkün hala gətirə bilməkdir. Ziyan görən və ya yaralanan insan beyinlərinin, bu üsuldakına bənzər şəkildə müalicə edilməsinə ümid edilir. Ancaq bu işin, bu anda orqanoid səviyyəsində olduğunu unutmamaq lazımdır. Yəni bu tip müalicələr üçün zamana ehtiyacımız var.
Oxu24.com
ŞƏRHLƏR