Tver vilayətinin Rjevski rayonunun sakini dostlarını və həyat yoldaşını qısqandığı üçün evini yandırıb.

Oxu24.com xəbər verir ki, bu barədə Rusiya Federasiyası İstintaq Komitəsinin bölgə üzrə İstintaq İdarəsi məlumat yayıb.

İstintaqın məlumatına görə, hadisə Dunidovo kəndində baş verib. Rus arvadının və iki dostunun olduğu evini yandırıb. 

Hadisənin qısqanclıq və düşmənçilik zəminində törədildiyi bildirilir. Kişi evini yandırdıqdan sonra ərazidən uzaqlaşıb. Qadın və iki kişi yanan evdən pəncərədən qaça biliblər.

Yanğın törədən şəxs saxlanılıb, həmin şəxs barəsində cinayət işi açılıb.