İsveçrə İsrail və HƏMAS hökumətinin üzvləri İsveçrəyə gəlsələr, Beynəlxalq Cinayət Məhkəməsinin (ICC) onların barəsində həbs qərarı çıxaracağı təqdirdə onları həbs edəcək.

Bu barədə ölkə parlamentinin bəyanatında deyilir.

Sənəddə deyilir ki, "İsveçrə Beynəlxalq Cinayət Məhkəməsi İsrail hökumətinin üzvləri və HƏMAS liderlərinin həbsinə order verərsə, öz beynəlxalq öhdəliklərini yerinə yetirəcək. Hökumət bu öhdəliyi bazar ertəsi deputatların bir neçə sualına cavab olaraq qəbul edib".

Bundan əvvəl Beynəlxalq Cinayət Məhkəməsinin (ICC) prokuroru Kərim Xan İsrailin baş naziri Benyamin Netanyahu və müdafiə naziri Yoav Qalantın həbsinə order verilməsi üçün Məhkəməyə qədər Palataya ərizə təqdim etdiyini açıqlamışdı.

O, açıqlamasında 2023-cü ilin oktyabr ayından bəri törədilmiş “müharibə cinayətləri və insanlığa qarşı cinayətlərə” görə məsuliyyət daşıdıqlarını qeyd edib.

Prokuror həmçinin HƏMAS-ın Qəzza zolağındakı lideri Yəhya Sinvar, Əl-Qəssam Briqadalarının hərbi qanadının komandiri Məhəmməd Əd-Deyfa və HƏMAS siyasi bürosunun rəhbəri İsmayıl Haniyənin həbsinə order verilməsini tələb edib. 

Nigar