Avropada qaz qiymətləri Norveçdən tədarükün kəskin azalması fonunda 12%-dən çox artaraq 2023-cü ilin dekabrından bəri ən yüksək həddə çatıb. 

 

Oxu24.com xəbər  verir  ki,ən yüksək həddə Hollandiyadakı TTF qaz qovşağında iyul fyuçerslərinin qiyməti 1 min kubmetr üçün 439 dollara yüksəlib.

 

Fyuçerslərin qiyməti yenidən 419,07 dollara düşüb.

 

Norveçin Böyük Britaniyaya ixracatının üçdə birinin getdiyi Böyük Britaniyanın Easington terminalına qaz tədarükü tamamilə dayanıb.

 

Equinor enerji şirkəti nasazlığın səbəblərini araşdırır, ola bilər ki, boru kəmərinin Sleipnir yatağından Nyhamn və Easingtona qədər olan hissəsini təmir etsinlər,-deyə  Bloomberg yazır;

 

Norveç operatoru Gassco, zavodun və İngiltərə terminalının ən azı çərşənbə gününə qədər bağlanacağını söylədi. Norveç Rusiya boru kəməri tədarükünü azaltdıqdan sonra Avropanın əsas qaz tədarükçüsünə çevrilib. Aİ-də yüksək qaz ehtiyatlarına baxmayaraq, qiymət dəyişkənliyi davam edir.

 

Asiyanın artan tələbi ilə əlaqədar Avropada LNG idxalının azalması regionlar arasında qaz tədarükü üçün rəqabəti artırır, Saxo Bankın strategiya rəhbəri Ole Hansen bildirib.

 

Bundan əvvəl məlum olub ki, Çin yeni kəmər vasitəsilə Rusiya qazının qiymətinin aşağı salınmasını tələb edib.

 

Nigar

 

Oxu24.com