“Ağstafada böyümüşəm. Gürcüstanla sərhəddə, demək olar ki, gənc yoxdur. Başqa sərhəd bölgələrində də vəziyyət təxmini belədir. Düzdür, iş var, lakin gənclərin peşə hazırlığı yetərli deyil”.

Oxu24.com xəbər verir ki, bunu deputat Məlahət İbrahimqızı Milli Məclisin Əmək və sosial siyasət komitəsinin iclasında deyib.

“Azərişıq”, “Azərenerji”, “Azəriqaz” və s. qurumlarda vakansiyalar olur, amma kəndlərdə bu vakansiyalara cavab verən kadrlar yoxdur. Ucqar kəndlərdə əlçatanlıq məsələsində müəyyən problemlər var. Yaxud da adi texnik işinə qəbul mərkəzləşdirilmiş qaydadadır, tələb olunan sənədlərin elektron formada göndərilməsi istənilir. Nəzərə almaq lazımdır ki, ucqar kənddə yaşayan və bu sahədə işləmək istəyənlər ali təhsilli deyil”, - millət vəkili vurğulayıb.