Rusiya prezidenti Vladimir Putin dövlət başçısı postunu rusların sayəsində tutduğunu bildirib və mümkün qədər yaxşı işləyəcəyinə söz verib.

Oxu24.com xəbər verir ki,Rusiya lideri bu barədə “Valideyn Şöhrəti” və “Qəhrəman Ana” ordenləri ilə təltif olunanların ailələri ilə videobağlantı vasitəsilə görüş zamanı bildirib.

Konfrans zamanı Putin Çuvaşiyadan olan Şişovlar ailəsinə onun əməyinə verdiyi yüksək qiymətə görə təşəkkür edib.

“Belə hallarda necə deyərlər, sizə qaytarma şaybası göndərmək istəyirəm. Dediniz ki, mənim sayəmdə nəsə olur. Və demək istəyirəm ki, sizin və sizin kimi insanların sayəsində mən indi olduğum yerdəyəm və işləyirəm”, - deyə prezident bildirib və əlavə edib ki, Rusiya böyük bir ailədir.

Veriliş zamanı Putin çoxuşaqlı ailələrin gəlirlərinin artması səbəbindən dövlət dəstəyini itirməsi problemini də həll edəcəyinə söz verib.

Bundan başqa, prezident qeyd edib ki, çoxuşaqlı ailələrə ehtiyac meyarlarının müəyyən edilməsi mexanizmi əlavə tənzimləmə tələb edir.

Bundan əvvəl Dövlət Duması ipoteka ödənişləri üçün çoxuşaqlı ailələrə ödənişləri uzadıb.

Miri