NATO qoşunlarının Ukraynaya mümkün göndərilməsi məsələsi NATO-ya üzv ölkələrin hökumətlərindən daha çox mediada müzakirə olunur.

Oxu24.com  xəbər verir ki, bu barədə Latviya Prezidenti Edqars Rinkeviçs bildirib.

“Bu, paradoksal olaraq NATO-ya üzv ölkələrin hökumətlərindən daha çox mediada və konfranslarda gedən debatdır”,-deyə o bildirib.

Rinkeviçs qeyd edib ki, hərbi-siyasi blok ola bilsin ki, əsgər göndərmək əvəzinə Ukraynanı dəstəkləməyə diqqət yetirməlidir.

Onun sözlərinə görə, Latviya Ukraynaya təlimatçıların göndərilməsi məsələsinə hələlik baxmayıb.

Mayın 28-də NATO-nun baş katibi Yens Stoltenberq bəyan edib ki, Şimali Atlantika Alyansı öz qoşunlarını Ukraynaya göndərmək və Rusiya Federasiyası ilə silahlı münaqişənin birbaşa iştirakçısına çevrilmək niyyətində deyil.

Bundan əvvəl Polşanın xarici işlər naziri Radoslav Sikorski demişdi ki, respublika rəhbərliyi Ukraynanı dəstəkləmək üçün heç bir vasitəni istisna etməməlidir. Bura Polşa əsgərlərinin döyüş bölgəsinə göndərilməsi daxildir.

Ukrayna lideri Vladimir Zelenski bir müddət əvvəl Qərb qoşunlarının ölkədə görünməsi ehtimalını dəyərləndirib.

Nigar