2023/24 mövsümü başa çatdıqdan sonra Paris Saint-Germain-dən ayrılan fransalı hücumçu Kilian Mbappe yeni komandaya keçidi ilə bağlı nə vaxt açıqlama verəcəyini deyib.

Oxu24.com xəbər verir ki,onun sözlərini L'Equipe nəşri sitat gətirir.

“Yaxın vaxtlarda yeni klubumu elan edəcəm. Məncə elana sayılı günlər qalıb. Elanı gözləyin” deyə o bildirib.

Mayın 10-da Mbappe 2023/24 mövsümü başa çatdıqdan sonra Fransa klubundan ayrılacağını rəsmən açıqlayıb. Müqaviləsi 2024-cü il iyunun 30-da başa çatdığı üçün forvard azad agent kimi PSJ-dən ayrılır.

Mbappe 2017-ci ildən PSJ-də çıxış edir. Əvvəllər o, tələbəsi olduğu Monakonun rənglərini qoruyub. Mətbuatın yazdığına görə, 2024-cü ilin qışında forvard Fransa klubu ilə müqavilənin sonunda yayda Real Madridə keçməyə qərar verib.

Artıq internetdə "Santyaqo Bernabeu"da fransız forvardın təsviri olan şərflər satılmağa başlayıb. Ancaq keçid hələ rəsmi olaraq açıqlanmayıb. Bunun 2024-cü ilin iyununda baş verəcəyi gözlənilir.

Bundan əvvəl PSJ Fransa kubokunun qalibi olub.

Nigar