“Məlum olduğu kimi, bu gün Ermənistanda ictimai-siyasi gərginlik davam edir. Bu gün ki, gərginliyin əsas körükçüsü isə Baqdan Qalstanyan adında din dəllalıdır. Ayın 26-da o, yenidən “izdihamlı” mitinqlər təşkil etməyi planlaşdırır”. 

“Cebhe.info” xəbər verir ki, bunu parlamentin iclasında deputat Ceyhun Məmmədov deyib. 

Deputat bildirib ki, məlum olduğu kimi, tarix boyu azərbaycanlılarla ermənilərin dinc şəraitdə yaşamasına mane olan əsas qurumlardan biri də erməni kilsəsi olub:

“Kilsə bu gün də eyni siyasəti davam edir. Əslində səmavi dinlərin tarix boyu bəşəriyyətə göndərilməsinin əsas səbəbi xalqlar arasında sülhü və barışı təmin etmək olub. Heç bir din insanlığı müharibəyə və düşmənçiliyə çağırmayıb. Bu addımlarla erməni kilsəsi öz dininə və onun ehkamlarına da xəyanət edir. Baqrat erməni cəmiyyətinə nə təklif edir? Sülhün alternativi müharibədir. Ermənistan dövləti və cəmiyyəti müharibəyə hazırdırmı? Hesab edirəm erməni xalıq bu saxtakar keşişə və onun arxasında qorxaqcasına gizlənən köhnə rejimin qalıqlarına öz yerini göstərməlidir”.