Britaniya və müttəfiqləri Ukraynaya 150 milyon funt sterlinq (190,9 milyon dollar) dəyərində yeni hərbi yardım paketi göndərir.

Oxu24.com xəbər  verir  ki,bu barədə “Sun” qəzeti Böyük Britaniyanın müdafiə naziri Qrant Şappsa istinadən məlumat yayıb.

“Hava və dəniz müdafiəsini gücləndirmək üçün Ukraynaya 150 milyon funt sterlinqlik hərbi yardım paketi göndərilir”, - deyə məlumatda bildirilir.

Buraya ümumi dəyəri 70 milyon funt-sterlinq olan hava hücumundan müdafiə radarları, simulyasiya avadanlığı və elektron döyüş sistemləri daxil olacaq, Sun yazır.

Bundan əlavə, yardım paketinə 80 milyon funt sterlinq dəyərində kiçik qayıqlar, müşahidə aparatları və pilotsuz suüstü nəqliyyat vasitələri də daxil olacaq.

Qeyd olunur ki, vəsait London və müttəfiqlərinin mart ayına qədər təxminən 900 milyon funt sterlinq sərmayə qoyduğu Ukraynaya Beynəlxalq Yardım Fondundan ayrılacaq.

Fond Britaniyanı və onun Litva, Danimarka, İsveç, Norveç və Hollandiya kimi bir sıra tərəfdaşlarını birləşdirir.

Miri