Bəhreyn kralı Həməd bin İsa Əl Xəlifə Rusiya prezidenti Vladimir Putinə ikitərəfli danışıqlar zamanı Ukraynadakı münaqişənin həlli ilə bağlı heç bir təklif çatdırmayıb.

 

Oxu24.com  xəbər verir ki, bunu Kremlin mətbuat katibi Dmitri Peskov deyib.

 

“Xeyr, bu müzakirə olunmayıb”, - deyə dövlət başçısının nümayəndəsi jurnalistlərin müvafiq sualını cavablandırıb.

 

Eyni zamanda Peskov vurğulayıb ki, iki ölkə liderləri beynəlxalq münasibətlərə baxışlarının oxşarlığını qeyd ediblər.

 

Mayın 23-də günortadan sonra Kremldə Rusiya Federasiyası prezidenti ilə Bəhreyn kralı arasında danışıqlar olub.

 

Görüş dar tərkibdə söhbətlə başlayıb, daha sonra rəsmi səhər yeməyi formatında davam edib.

 

Bu mərhələdə hər iki ölkənin nümayəndə heyətlərinin üzvləri ikitərəfli əməkdaşlığın müzakirəsinə qoşulublar.

 

Tədbir zamanı Putin qeyd edib ki, o və əcnəbi həmkarı 2016-cı ildən bir-birini görmürlər.

 

Buna baxmayaraq, son üç il ərzində Moskva və Manama ikitərəfli əlaqələri gücləndirə biliblər.

 

O, həmçinin əlavə edib ki, 2025-ci ildə Rusiya Federasiyası və Bəhreyn diplomatik münasibətlərin qurulmasının 35-ci ildönümünü qeyd edəcəklər.

 

Miri

 

Oxu24.com