Rusiya prezidentinin mətbuat katibi Dmitri Peskov ABŞ dövlət katibi Antoni Blinkenin İran prezidenti İbrahim Rəisinin ölümü ilə bağlı bəyanatını “utanc verici və acınacaqlı” adlandırıb.

Oxu24.com xəbər verir ki, Blinken daha əvvəl bildirib ki, təyyarə qəzasında Rəisinin ölümündən İran xalqı və bütövlükdə dünya faydalanıb.

“Bilirsiniz, düzünü desəm, mən hələ bu ifadəni orijinalda görməmişəm. İnanmaq çətindir ki, diplomat, xüsusən də Amerika Birləşmiş Ştatları kimi bir ölkənin belə yüksək rütbəli nümayəndəsi belə, diplomatik dillə desək, yöndəmsiz bəyanat verə bilər. Və mahiyyət etibarı ilə desək, bu, bütöv bir xalqa aid iyrənc bəyanatdır”, – Peskov Kremlin Blinkenin bəyanatına münasibətini şərh edərkən deyib.

Bundan əvvəl Blinken Senatın Xarici Əlaqələr Komitəsində keçirilən dinləmələrdə ABŞ-ın rəsmi başsağlığına baxmayaraq, İran prezidentinin vəfatı ilə bağlı yas tutmaması ilə bağlı bəyanat verib.

Onun sözlərinə görə, yəqin ki, İran xalqı öz prezidentinin ölümündən sonra özünü daha yaxşı hiss edib.

Miri