Finlandiyanın baş naziri Petteri Orpo Avropa İttifaqını (Aİ) Rusiyadan lazımi sənədləri olmayan miqrant axını ilə bağlı ortaq həll yolu tapmağa çağırıb.

 

Oxu24.com xəbər verir  ki,bu barədə Reuters yazır.

 

Orpo "instrumental miqrasiya" ilə bağlı ümumavropa həllinə çağırdı.

 

Bundan əvvəl Finlandiyanın baş naziri Petteri Orpo bildirmişdi ki, Aİ ölkəyə Rusiya Federasiyasından keçməklə ölkəyə gələn miqrant axınının qarşısını almağa kömək etməlidir.

 

Qeyd edilir ki, Finlandiya keçən il Suriya və Somali kimi ölkələrdən gələnlərin sayının artması fonunda Rusiya ilə sərhədini bağlayıb, həmçinin “Moskvanı miqrasiyadan Skandinaviya ölkəsi və Aİ-yə qarşı silah kimi istifadə etməkdə” ittiham edib.

 

Aprelin əvvəlində Finlandiya prezidenti Alexander Stubb hökumətin Rusiya ilə sərhəddəki avtomobil keçid məntəqələrini qeyri-müəyyən müddətə bağlamaq qərarını dəstəkləyib.

 

Həmçinin aprelin 13-də Finlandiyanın Rusiya Federasiyası ilə sərhəddə keçid məntəqələrini bağlamaq üçün yeni sərhəd məhdudiyyətləri tətbiq etdiyi barədə məlumat yayılıb.

 

Gömrük məlumatlarına görə, Nuijamaa keçid məntəqəsi vasitəsilə Saimaa kanalı boyunca gəmilərin hərəkəti dayandırılacaq. Bundan əlavə, Haapasaari və Santio dəniz keçidləri qeyri-müəyyən müddətə bağlanacaq.

 

Bundan əvvəl Zaxarova Aİ-nin Finlandiyaya qarşı hibrid müharibəsi ilə bağlı ittihamlarına cavab verib.

 

Nigar

 

Oxu24.com