Moskvada qıza bıçaqla hücum anı videoya düşüb

 

Oxu24.com xəbər  verir  ki, bu barədə məlumatı Rusiyanın Daxili İşlər Nazirliyi yayıb.

 

Mayın 20-də günorta saatlarında Moskvanın Uralskaya küçəsində bir kişi qıza yaxınlaşaraq ona bir neçə bıçaq zərbəsi vurub və qaçıb.

 

Yoldan keçənlər zərərçəkənə ilkin tibbi yardım göstərməyə çalışıb, onlar da təcili yardım və hüquq-mühafizə orqanlarını çağırıblar.

 

Hüquq-mühafizə orqanlarının əməkdaşları qısa müddətdə həmin şəxsi saxlayıblar.

 

47 yaşlı təcavüzkarın üzərində qatlanan bıçaq olduğu müəyyən edilib.

 

O, əlavə araşdırma aparılması üçün Daxili İşlər Nazirliyinə aparılıb.

 

Yaralı qız xəstəxanaya yerləşdirilib. REN TV-dəki mənbənin verdiyi məlumata görə, o, orta ağır vəziyyətdə reanimasiyadadır.

 

 

Nigar

 

Oxu24.com