Göyərtəsində İran prezidenti İbrahim Rəisinin olduğu helikopterin təcili enişi İran rəsmiləri ilə ABŞ rəsmilərinin dolayı danışıqlarından bir neçə gün sonra baş verib.

Oxu24.com xəbər  verir  ki,  bu  barədə  “The New York Times” məlumat yayıb.

“İran prezidenti ilə helikopter qəzası beynəlxalq münasibətlər üçün həssas məqamda baş verib”, materialda qeyd olunur.

Nəşrin məlumatına görə, keçmiş danışıqlar İranın pilotsuz təyyarələrdən istifadə edərək İsrail hərbi obyektlərinə hücumundan sonra Tehran və Vaşinqton arasında ilk təmas olub.

Mayın 19-da İran prezidentini daşıyan helikopter sərt eniş edib.

Təyyarədə həmçinin İslam Respublikasının xarici işlər naziri Hüseyn Əmir Abdullahiyan və bir sıra digər İran rəsmiləri də olub. Prezidentin kortejində üç helikopter olub, onlardan ikisi nazirləri və məmurları daşıyaraq təyinat yerinə salamat çatıb.

Hazırda İranın bütün təhlükəsizlik qüvvələri prezidentin axtarışı ilə məşğuldur.

Nigar