22 yaşlı Könül Ağayevanın qəsdən öldürülməsində şübhəli bilinən Elvin İsmayılzadənin görüntüləri yayılıb.

Oxu24.com xəbər verir ki, 2 ay əvvəl itkin düşən Cəlilabad rayon Muğan kənd sakini 22 yaşlı Könül Ağayevanın qəsdən öldürüldüyü məlum olub.

Cinayətdə Lənkəran rayon sakini Elvin İsmayılzadə şübhəli bilinir və o, artıq saxlanılıb. Həyata keçirilmiş çoxsaylı istintaq və əməliyyat-axtarış tədbirləri nəticəsində 2003-cü il təvəllüdlü Lənkəran şəhər sakini E. İsmayılzadənin martın 1-də Lənkəran şəhəri ərazisində yerləşən evlərdən birində K.Ağayevanı boğaraq qəsdən öldürməsi, növbəti gün cinayət hadisəsini gizlətmək üçün tanışı Xəyal Səmədovun köməkliyi ilə Könül Ağayevanın meyitini həmin fərdi yaşayış evinin birinci mərtəbəsində basdırmasına əsaslı şübhələr müəyyən edilib.