İtalyanın Milan şəhərində dünən gecədən başlayan və bu gün səhər saatlarında davam edən leysan yağışları şəhərin gündəlik həyatına mənfi təsir göstərib.

Oxu24.com xarici mediaya istinadən xəbər verir ki, şəhər yaxınlığından keçən Lambro axınının həddindən artıq yağıntı səbəbindən daşmasından sonra şəhərin şərqindəki bəzi bölgələrdə daşqınlar baş verib.

Su basan küçə və prospektlər nəqliyyatın hərəkətinə bağlanıb.

Bu yerlərdə bəzi təsərrüfatlara elektrik enerjisi verilməyib.

Bu arada, güclü yağışların təsirli olduğu Milanın şimalındakı qonşu Monza şəhərində körpələr evi və ibtidai məktəblərin daşqın təhlükəsi səbəbiylə tədbir olaraq boşaldıldığı açıqlanıb.

Əksəriyyəti sular altında qalan Monza parkı da ziyarətçilərə bağlı olub.

Nigar