ABŞ-ın keçmiş prezidenti Donald Tramp hazırkı lider Co Baydeni Ağ Evdə debat keçirməyə dəvət edib.

OXU24.COM xəbər verir ki, bu barədə o, "Truth" sosial şəbəkəsində yayımlanan videomüraciətində məlumat verib.

Tramp görüşün Vaşinqtonda, Ağ Evdə və ya Nyu Yorkda keçirilə biləcəyini vurğulayıb. Onun sözlərinə görə, bu, radikal solçu faşistlərdən Trampa qarşı seçkiyə müdaxiləni dayandırmağı tələb edir.

Keçmiş Amerika lideri əlavə edib ki, debat zamanı Baydenlə miqrantlar problemi, iqtisadiyyatın tənəzzülü, inflyasiya və enerji xərclərini müzakirə etmək istərdi.

“Hər zaman, hər yerdə, hər məkanda. Gəl, Co. Gəl mübahisə edək!" – Tramp çağırış edib.

Bayden daha əvvəl Trampı ABŞ-da demokratiya üçün ən böyük təhlükə adlandırmışdı. O, əlavə edib ki, heç vaxt ABŞ-ın gələcəyi ilə bağlı indiki qədər optimist olmayıb.

ABŞ-da prezident seçkiləri 2024-cü ilin noyabrında keçiriləcək. Donald Tramp və Co Bayden bu vəzifəyə əsas namizədlər hesab edilir.