Kişi həyat yoldaşını haqsız yerə incidirsə, şəriətə görə qadın buna dözməlidir və etiraz edə bilməz?

Hər şeydən əvvəl bunu qeyd edək ki, kişi və qadın ailə daxilində öz vəzifələrinə riayət etməlidirlər. Kişinin mühüm vəzifələrindən biri də həyat yoldaşına hörmətlə yanaşmaq, onun qayğıdını çəkmək və onu təhqir etməmək, başqasının da onu təhqir etməsinə yol verməməkdir.

Oxu24.com islam.az-a istinadən bildirir ki, qadın da ərinə itaət etməli və onun narazılığına səbəb olan davranışa yol verməməlidir. Əgər kişi haqsız yerə öz həyat yoldaşını incidirsə, qadın əsaslandırılmış şəkildə və çərçivələr daxilində öz etirazını bildirməli, ərinin böyüklərinə (valideynlərinə) şikayət etməlidir. Bu da nəticəsiz olsa, qadın şəriət hakiminə (qazıya, müctəhidə və ya onun nümayəndəsinə) müraciət edərək, talaq verilməsini tələb edə bilər. Şəriət hakimi mümkün olan xoşluq və zor vasitələrlə kişini talaq verməyə məcbur edir. Kişi yenə də əsassız şəkildə talaq verməkdən imtina edərsə, şəriət hakimi öz səlahiyyətindən istifadə edərək, qadının talağını oxuyur Oxu24.com