Xaricdən maliyyələşən təşkilatlar 2020-ci ildən 2023-cü ilə qədər Gürcüstanda dövlət çevrilişi həyata keçirməyə cəhd ediblər, bu baxımdan xarici agentlər haqqında qanunun qəbulu cəmiyyətin depolarizasiyasına nail olmaq üçün mühüm ilkin şərtdir.

Oxu24.com xəbər verir  ki,bu barədə Gürcüstanın baş naziri İrakli Kobaxidze özünün X sosial şəbəkəsindəki (keçmiş Twitter) səhifəsində Avropa Şurasının rəhbəri Şarl Mişel ilə söhbətdən sonra bildirib.

“Mən Avropa İttifaqı Şurasının prezidentinin diqqətini xaricdən maliyyələşən təşkilatların 2020-2023-cü illər arasında Gürcüstanda baş vermiş iki inqilab cəhdində fəal iştirakına cəlb etdim. Bu kontekstdə vurğuladım ki, şəffaflıq haqqında qanunun qəbulu Avropa İttifaqının əsas tövsiyəsi olan depolarizasiyaya nail olmaq üçün mühüm ilkin şərtdir”.

Bundan əlavə, Gürcüstan hökuməti bu qanuna qarşı bir dənə də olsun əks-arqument eşitməyib, baş nazir əlavə edib.

Onun sözlərinə görə, Gürcüstandakı xarici agentlər haqqında qanun sırf Gürcüstan cəmiyyəti ilə bağlı müvafiq təşkilatların şəffaflığını və hesabatlılığını artırmağa yönəlib.

Bundan əvvəl Mişel bəyan etmişdi ki, mövcud siyasət davam edərsə, Tbilisi Avropanın gələcəyi şansını əldən verə bilər.

Mayın 1-də Gürcüstan parlamenti həm ölkə daxilində, həm də xaricdə birmənalı qarşılanmayan xarici agentlər haqqında qanunu ikinci oxunuşda qəbul edib. Gürcüstanda etiraz aksiyaları keçirilir və Aİ xarici agentlər haqqında qanunun ölkənin Avropaya inteqrasiyası üçün qəbuledilməz olduğunu bəyan edib.

Bundan əvvəl Gürcüstanın baş naziri ABŞ-ın keçmiş səfirini ölkədə inqilabi ssenariləri dəstəkləməkdə ittiham etmişdi.

Nigar