Prezident Co Baydenin qaçqın siyasəti ABŞ-ı keçən il oktyabrın 7-də İsraili vuran hücuma bənzər hücum riski ilə üz-üzə qoyur.

 

 

Oxu24.com  “The İndependent” -ə istinadən  xəbər verir ki, bunu Amerikanın keçmiş lideri Donald Tramp deyib.

 

“Co Bayden elə görünür ki, Amerikada 7 oktyabr üslublu hücum üçün şərait yaratmağa qərarlıdır. Bu, bütün bu insanlar cənub sərhədindən gələndə baş verəcək”, - deyə siyasətçi bildirib.

 

Tramp ABŞ vətəndaşlarına xəbərdarlıq edib ki, onların şəhər və kəndləri Qəzza, Yəmən və başqa yerlərdən çoxlu sayda insanı qəbul edəcək.

 

Eks-prezident əlavə edib ki, Meksika ilə sərhədə ciddi nəzarətin olmamasının günahkarı Ağ Evin hazırkı rəhbəridir.

 

Bir gün əvvəl Tramp hazırkı dövlət başçısı Co Baydeni ölkədə Fələstin tərəfdarı olan kütləvi etirazlarla vəziyyəti həll edə bilməməkdə ittiham edib.

 

Tramp Kolumbiya Universitetindəki etirazlara görə Baydeni də tənqid edib.

 

Bundan əvvəl Tramp Baydeni qeyri-qanuni mühacirlərin yerləşdirilməsi üçün vəsait xərcləməkdə ittiham etmişdi.

 

Afət

 

Oxu24.com