Gürcüstan prezidenti Salome Zurabişvili təhlükəsizlik qüvvələrini Tbilisidə ikinci dəfə qəbul etməyə çalışdıqları xarici agentlər haqqında qanun layihəsinə qarşı etirazçıları dağıtmağı dayandırmağa çağırıb

OXU24.COM xəbər verir ki, bu barədə TASS məlumat yayıb.

“Mən daxili işlər nazirini (Vaxtanq Qomelaurini) dinc mitinqin dağıdılmasını, qeyri-mütənasib gücdən istifadəni və yalın əlləri ilə gələn gənclərə qarşı zorakılığı dərhal dayandırmağa çağırıram.

Mən ombudsmana müraciət edirəm ki, xüsusi təyinatlıların bütün əsassız və qanunsuz hərəkətlərinin dayandırılması üçün dərhal reaksiya versin", - deyə prezidentin bəyanatında bildirilir.

Prezident vurğulayıb ki, “aksiya dinc şəraitdə keçib, heç bir təhlükə yaratmayıb, asayiş üçün təhlükə olmayıb”.

Qeyd edək ki, bundan əvvəl təhlükəsizlik qüvvələri su şırnaqlarından istifadə edərək etirazçıları parlament binası qarşısında Rustaveli prospektindən çıxarmağa başlayıb.