Çin Şimali Koreyadan Rusiyaya silah daşıyan ABŞ-ın sanksiyasına məruz qalan Rusiya yük gəmisi üçün yanalma yeri təmin edib.

Oxu24.com  xəbər  verir  ki, bunu Birləşmiş Krallığın Kral Müdafiə Tədqiqatları İnstitutunun (RUSI) peyk görüntüsü sübut edir.

Söhbət 2023-cü ilin avqustundan bu yana minlərlə konteyneri, ehtimal ki, Şimali Koreya sursatını Rusiya limanlarına daşıyan Rusiyanın “Anqara” gəmisindən gedir. Bu ilin fevralından gəmi Çinin şərqindəki Zhejiang əyalətindəki limanda lövbər salıb.

RUSİ-nin məlumatına görə, transponderi söndürülmüş Anqara Şimali Koreya və Rusiya limanları arasında ən azı 11 yükdaşıma həyata keçirib. Gəmi təmir və ya texniki xidmət üçün Çinə gəlib.

Nigar