Türkiyə Mərkəzi Bankı bu il inflyasiyanın 73-75% səviyyəsində zirvəyə çatacağını gözləyir.

Oxu24.com  xəbər  verir   ki, ölkənin Statistika İnstitutu (TÜİK) Türkiyədə illik inflyasiyanın mart ayında 68,5%-ə (fevralda - 67,07%) sürətləndiyini bildirib.

“TRT Haber” Mərkəzi Bankın sədri Fatih Karahana istinadən xəbər verir ki, “İnflyasiya 73-75%, bu ilin sonunda 36%, gələn il 14% və 2026-cı ildə 9% olacaq”.

Qeyd olunur ki, son məqsəd inflyasiyanın 5%-ə çatmasıdır.

Yüksək inflyasiya bir sıra mənfi nəticələrə səbəb olur.

Əmtəə və xidmətlərin qiymətlərinin qalxması əhalinin gəlirlərinin və əmanətlərinin dəyərdən düşməsi hesabına onların alıcılıq qabiliyyətinin itirilməsinə səbəb olur.

Nigar