Rusiyanın xarici işlər naziri Sergey Lavrov iranlı həmkarı Hüseyn Əmir Abdullahyanla telefon danışığı aparıb.

 

Oxu24.com  xəbər verir   ki, bu barədə Rusiya Xarici İşlər Nazirliyinin saytında yerləşdirilən məlumatda deyilir.

 

"Əsas diqqət Yaxın Şərqdəki vəziyyətə yönəldilib", - bəyanatda deyilir.

 

Qeyd olunur ki, Rusiya tərəfi İsrailin aprelin 1-də İranın Dəməşqdəki konsulluğuna endirdiyi hava zərbəsini kəskin şəkildə pisləyib. Rusiya Federasiyası vurğulayıb ki, toxunulmazlığı Vyana Konvensiyaları ilə təmin edilən diplomatik obyektlərə edilən istənilən hücum qəti şəkildə qəbuledilməzdir.

 

Nazirlər həmçinin beynəlxalq və regional gündəlikdəki cari məsələlər üzrə yüksək səviyyədə koordinasiyanın qorunub saxlanmasını vurğulayıblar.

 

Əvvəllər bildirilmişdi ki, Pentaqonun keçmiş müşaviri Jasmine El-Gamal İranın İsraillə əlaqəli gəmini ələ keçirməsini bir sıra “intiqam aktları”nın ilki adlandırıb.

 

Bundan əvvəl britaniyalı professor Gerges İsraili illərdir İrana qarşı “təxribat” etməkdə ittiham edib.

Bundan əvvəl Lavrov Tacikistan Xarici İşlər Nazirliyinin rəhbəri ilə danışıqlar aparıb.

 

Nigar

 

Oxu24.com