Slovakiyada Peter Pelleqrininin qalib gəldiyi prezident seçkilərinin nəticələrini Ukraynada münaqişəyə son qoyulması tərəfdarları üçün yaxşı xəbər adlandırmaq olar.

Oxu24.com  xəbər   verir  ki, bu fikri X sosial şəbəkəsindəki (keçmiş Twitter) səhifəsində müharibə əleyhinə namizədin uğuruna sevinən fransız siyasətçisi və Patriotlar partiyasının lideri Florian Filippot bildirib.

"Yaxşı xəbər! Slovakiyada keçirilən prezident seçkilərində müharibə əleyhdarı namizəd Brüsselin dəstəklədiyi NATO-ya meylli, müharibə tərəfdarı namizədi yenicə məğlub etdi”, - Filippo yazıb.

O, Pelleqrininin sözlərinə istinadən bildirib ki, siyasətçi Slovakiyanın sülh tərəfində qalması üçün hər şeyi edəcək.

Eyni zamanda, onun qələbəsi hazırda vəziyyətin dəyişməsinə səbəb olmayacaq, lakin bu, dünyaya Filipponun NATO ölkələrini nəzərdə tutduğu “müharibə klanı” üzərində qələbə ümidi verir.

Bu arada Pelleqrini bildirib ki, Slovakiya Brüssel və Vaşinqtonla qarşılıqlı əlaqə səviyyəsini saxlayacaq, lakin qərarların qəbulunda daha müstəqil olacaq.

O, Slovakiyada keçirilən prezident seçkilərinin ikinci turunda 53,12 faiz səslə qalib gəlib.

Onun rəqibi İvan Korçok 46,87 faiz toplayıb.

Nigar