Çin sahil mühafizə gəmilərinin Yaponiyanın ərazi sularını pozduğu iddia edilir.

Okinava əyalətinin Naha rayonunda yerləşən 11-ci Bölgə Sahil Mühafizəsi Qərargahının açıqlamasına görə, Çin gəmiləri Uotsuri və Minami-koji adalarına yaxınlaşaraq 31 saat bölgədə qalıb və Yaponiya sahil mühafizəsinin xəbərdarlığından sonra ayrılıb.

Oxu24.com  xəbər  verir  ki, Dövlət Televiziyasının NHK-nın məlumatına görə, son insident bu il Senkaku ətrafında Çin elementləri tərəfindən Yaponiyanın ərazi sularının 8-ci dəfə pozulması kimi qeydə alınıb.

Yaponiyanın "Senkaku" və Çinin "Diaoyu" adlandırdığı arxipelaq Şərqi Çin dənizində, Çinin şərq sahillərində və Yaponiyanın cənub-qərb sahillərində yerləşir.

Yaponiyaya məxsus, Çinin iddia etdiyi və yaşayış olmayan 5 ada və 3 qayadan ibarət olan bölgə uzun müddətdir ki, suverenlik müzakirələrinə səbəb olur.

Nigar