BVF-nin məlumatına görə, 2023-cü ildə dolların dünya ehtiyatlarında payı son 28 ildə ilk dəfə olaraq 58,41%-dən aşağı düşüb.

Oxu24.com  xəbər  verir  ki, RT-yə müsahibə verən ekspertlər bunu dünya banklarının ABŞ-ın maliyyə siyasəti ilə bağlı artan narahatlığı ilə əlaqələndirirlər.

ABŞ-ın dövlət borcu son 20 ildə 5,5 dəfə artıb və hazırda təxminən 30 trilyon dollara çatıb.

Eyni zamanda, büdcə kəsiri hər il ÜDM-in təxminən 6%-ni təşkil edir. Borcun bu artım tempi BVF və Federal Ehtiyat Sisteminin ekspertlərini narahat edir.

Təşkilat liderləri dövlət borcunun kəsiri aradan qaldırmadan artmaqda davam edəcəyi təqdirdə ABŞ-ın maliyyə sabitliyinə təhdidlər barədə dəfələrlə xəbərdarlıq ediblər.

Lakin Konqres hələ də xərcləri azaltmaq üçün təsirli tədbirlər görməyib.

Bu, qlobal investorların və mərkəzi bankların Amerika borc modelinin uzunmüddətli davamlılığına inamını sarsıdır. Ekspertlərin fikrincə, hazırkı tendensiya davam edərsə, 2030-cu ilə qədər dolların ehtiyatlardakı payı 50%-dən aşağı düşə bilər.

Bundan əvvəl məlum olmuşdu ki, ABŞ tezliklə supergüc statusunu itirə bilər.

Nigar