İsrail Hərbi Hava Qüvvələri Dəməşqin qərbində, İran Silahlı Qüvvələrinin elit bölmələri və İslam İnqilabı Keşikçiləri Korpusunun iranlı hərbi müşavirlərinin yaşadığı Mezze məhəlləsinə raket zərbələri endirib.

Oxu24.com  xəbər  verir   ki, bu barədə “Al Hadath” telekanalı məlumat yayıb.

Dubaydan olan jurnalistin sözlərinə görə, hücum İranın Suriyadakı səfirliyi və konsulluğunun yaxınlığında yerləşən villaya düşüb.

Telekanalın məlumatına görə, məhəllədə bir neçə partlayış səsi eşidilib və Dəməşqin qərb ətrafı üzərində qalın tüstü  qalxıb.

Hadisə yerinə yanğınsöndürmə briqadaları gəlib.

Martın sonunda İsrailin Suriyanın şimalındakı Hələb əyalətinə güclü zərbələr endirdiyi və bu zərbələr zamanı Hizbullahın Livandakı yüksək rütbəli komandiri Əli Abed Əhsən Naimin öldürüldüyü bildirilmişdi.

Bundan əvvəl Suriya hava hücumundan müdafiə qüvvələri Dəməşqə doğru gedən bir neçə İsrail raketini vurmuşdu.

Afət