ABŞ-da yeddi yaşlı məktəbli qızın bakterial infeksiyaya görə hər iki ayağı və qolu amputasiya edilib.

 

Oxu24.com  xəbər  verir  ki,  bu  barədə  Mirror yazır.

 

Viktoriya Pasten-Moralesin valideynlərinin dediyi kimi, bir gün qızlarının hərarəti kəskin yüksəldi, qızdırması və ürək bulanması tutmaları başladı.

 

Məktəbli qızın dodaqları və əlləri göyərdikdən sonra xəstəxanaya aparılıb.

 

Həkimlər onun immun sistemini zəiflədən bakterial infeksiya olduğunu bildiriblər.

 

“Hər şey sözün əsl mənasında 12 saat ərzində baş verdi. Bu xəstəliyin haradan gəldiyini bilmirik”, - Viktoriyanın atası deyir.

 

Tezliklə Viktoriyada da sepsis yarandı, ona görə də həkimlər onun həyatını xilas etmək üçün hər iki ayağını və qolunu amputasiya etməli oldular.

 

Bundan əlavə, qızın böyrəkləri zədələnib və ona da süni nəfəs aparatına ehtiyac var.

 

İndi ailə Viktoriyanın müalicəsi üçün pul toplayır.

 

Nigar

 

Oxu24.com