Martın 12-də Rumıniya prezidenti Klaus İohannis NATO-nun baş katibi postuna namizədliyini irəli sürmək niyyətində olduğunu açıqlayıb.

 

Oxu24.com  xəbər  verir ki,İohannis brifinqdə deyib ki,  NATO-nun baş katibi vəzifəsi üçün müsabiqədə iştirak etmək qərarına gəlib.

 

Siyasətçi bildirib ki, o, “Rumıniya adından” Şimali Atlantika Alyansının baş katibi vəzifəsinə namizədliyini irəli sürür.

 

İohannisin sözlərinə görə, o, prezident kimi fəaliyyəti dövründə əldə etdiyi təcrübəyə əsaslanaraq bu qərarı tam məsuliyyətlə qəbul edib.

 

Rumıniya Prezidenti bildirib ki, o, NATO-nun, Avropanın və bütün regionun üzləşdiyi problemləri anlayır.

 

İohannisin ikinci prezidentlik müddəti 2024-cü ildə başa çatır.

 

NATO-nun hazırkı baş katibi Yens Stoltenberq 2024-cü il oktyabrın 1-dək bu vəzifədə qalacaq.

 

Onun xələfinin iyulun Vaşinqtonda keçiriləcək NATO sammitindən əvvəl açıqlanacağı gözlənilir.

 

Miri

 

Oxu24.com