Rusiya istiqamətində fəaliyyət göstərən türk şirkətləri Qərbin Rusiya Federasiyası ilə bank əməliyyatlarına sərt məhdudiyyətləri səbəbindən gəlir əldə edə bilmir.

Oxu24.com  xəbər  verir  ki, bu barədə Türkiyənin “Ekonomim” qəzeti məlumat yayıb.

Nəşr qeyd edir ki, ixracatçılar hakimiyyət orqanlarından Rusiyanı bank sistemindən kənar əməliyyatların aparıla biləcəyi 33 ölkə siyahısına daxil etməyi xahiş edirlər.

Bu, sanksiya məhdudiyyətlərindən yan keçməyə imkan verəcək.

Nəşrin məlumatına görə, banklar Rusiyadan ödənişləri geri qaytardığı üçün şirkətlər ixrac müqavilələrini bağlaya bilmir. İxracatçılar tədarükdən gəlir əldə etmək imkanından məhrumdurlar. Qəzetin mənbələri Türkiyə banklarının Qərb tərəfindən blokadaya alınmasının çox sərt olduğunu bildirir. Türkiyənin iqtisadi orqanları bu problemi həll etməyə çalışır.

Bundan əvvəl ABŞ Türkiyə banklarına Rusiyadan transsərhəd köçürmələri diqqətlə yoxlamağın vacibliyi ilə bağlı xəbərdarlıq etmişdi. Ankara vəziyyəti fəlakətli hesab etmir və nizamlanma gözləyir.

Bundan əvvəl bir sıra türk iş adamlarının Rusiyaya qarşı sanksiyalara görə ABŞ-ı məhkəməyə verməyi planlaşdırdığı məlum olub.

Bundan əvvəl Çin səfiri Rusiya ilə son hesablaşmalarda yaranan pozuntuları izah edib.

Nigar