Şübhə yoxdur ki, Rusiya prezidenti Vladimir Putin Ukraynada uğur qazansa, növbəti hədəf Gürcüstan olacaq.

Oxu24.com  xəbər  verir  ki, bunu ABŞ-ın keçmiş müdafiə naziri və MKİ-nin keçmiş direktoru Leon Panetta Amerikanın Səsinə müsahibəsində deyib.

Onun sözlərinə görə, əgər Putin Ukraynada dayandırılmasa, o, təkcə Gürcüstana deyil, həm də Rusiya ilə həmsərhəd olan NATO üzvü olan digər ölkələrə qarşı təcavüzünü davam etdirəcək.

“Ona görə də Birləşmiş Ştatların Gürcüstanın təhlükəsizliyini təmin etmək üçün onunla işləməyə çalışması tamamilə vacibdir”, - Panetta bildirib.

O qeyd edib ki, Putinin əsas məqsədi ABŞ-da demokratiyanı sarsıtmaq, eləcə də digər ölkələrdəki demokratiyanı sarsıtmaqdır.

"Bu, onun əsas məqsədidir və aydındır ki, milli təhlükəsizliyimizi qorumaq üçün biz Putinin öz niyyətlərini həyata keçirməyə müvəffəq olmamasını təmin etməliyik", - Panetta bildirib.

Miri