Stoltenberq Macarıstanın İsveçin NATO-ya qəbulu ilə bağlı protokolu ratifikasiya etməsini alqışlayıb.

Oxu24.com  xəbər  verir  ki,  bu barədə TASS məlumat yayıb.

Fevralın 26-da Macarıstan parlamenti İsveçin NATO-ya daxil olması haqqında sazişi ratifikasiya edib.

Sənədin təsdiqinə 188 deputat, əleyhinə isə 6 deputat səs verib.

Bir neçə aylıq gecikmədən sonra Macarıstan alyansın 31 üzvü arasında İsveçin NATO-ya daxil olmasını ratifikasiya edən sonuncu ölkə oldu.

Bu prosesin uzun müddət ləngiməsi ABŞ-ın açıq-aşkar narazılığına səbəb olub.

Fevralın əvvəlində milli təhlükəsizlik müşaviri Ceyk Sullivan bildirib ki, Birləşmiş Ştatlar Macarıstandan İsveçin NATO-ya üzvlüyünü mümkün qədər tez ratifikasiya edəcəyini gözləyir. Onun sözlərinə görə, Vaşinqton təhdidlərə əl atmaq niyyətində deyil, lakin onun səbri “hüdudsuz deyil”.

Yanvarın 21-də İsveçin NATO-ya daxil olması Türkiyə parlamenti tərəfindən təsdiqlənib.

Miri