Yevlaxda avtomobil qəzasında ölən şəxsin kimliyi məlum olub. "Report"un Qərb bürosunun məlumatına görə, Yevlax rayon Qaraoğlan kəndində baş vermiş yol-nəqliyyat hadisəsi zamanı həyatını itirən şəxsin Şəki rayon Böyük Dəhnə kənd sakini - 1996-cı il təvəllüdlü Elnur Şubay oğlu Abdullayev olduğu məlum olub. Qeyd edək ki, avtoqəza E.Abdullayevin idarə etdiyi "Opel" markalı avtomobillə "Mercedes" markalı yük avtomobilin toqquşması nəticəsində qeydə alınıb. Faktla bağlı araşdırma aparılır. Oxu24.com