Çərşənbə günü, fevralın 21-də ABŞ-ın Rusiyadakı səfiri Lin Treysi Lefortovo istintaq təcridxanasında casusluqda ittiham olunan amerikalı jurnalist Evan Qerşkoviçə baş çəkib.

Oxu24.com   xəbər  verir   ki,  bu barədə ABŞ-ın Moskvadakı səfirliyi Telegram-da məlumat yayıb.

"Evanın səhhəti yaxşıdır və vəziyyətə baxmayaraq, əhval-ruhiyyəsi yaxşıdır", - diplomatik nümayəndəlikdən bildiriblər.

Onlar əlavə ediblər ki, Gerşkoviçə və ailəsinə lazım olan bütün dəstəyi bundan sonra da verəcəklər.

Fevralın 20-də Moskva Şəhər Məhkəməsi Lefortovo Rayon Məhkəməsinin The Wall Street Journal-ın müxbiri Qerşkoviç barəsində həbs müddətinin uzadılması barədə qərarından verilən apellyasiya şikayətinə baxıb.

Məhkəmə qərarı dəyişdirilmədən saxlayıb, apellyasiya şikayəti təmin edilməyib. Gerşkoviç 2024-cü il martın 30-dək həbsdə qalacaq.

Gerşkoviç 2023-cü il martın sonunda casusluq ittihamı ilə saxlanılıb. Rusiya qanunvericiliyinə görə, jurnalisti 20 ilədək həbs cəzası gözləyir.

Daha əvvəl Putin Qerşkoviçin ABŞ-a hansı şərtlərlə qayıda biləcəyini demişdi.

Nigar