Abşeronda itkin düşən iki məktəbli qız tapılıb.

Oxu24.com  xəbər verir ki, bu barədə Daxili İşlər Nazirliyinin (DİN) Mətbuat xidmətinin rəisi Elşad Hacıyev məlumat yayıb.

Qeyd olunub ki, dünən günorta saatlarından Abşeron rayonunda 2010-cu il təvəllüdlü iki məktəblinin itkin düşməsi barədə daxil olan məlumat üzrə dərhal polis əməkdaşları tərəfindən axtarış elan edilib.

"Müəyyən edilib ki, həmin uşaqlar ailə üzvlərini məlumatlandırmadan Kürdəmir rayonuna nənəsinin yanına gediblər. Əməldə hər hansı kriminal tərkib yoxdur", - məlumatda vurğulanıb.